A Asociación de Empresas de Inserción de Galicia (Aeiga) e a Asociación Empresarial Galega de Centros Especiais de Emprego (Cegasal) organizan o vindeiro venres 27 de setembro, de 10:00 a 12:30 horas, a xornada online ‘Implantación do Compliance penal en entidades de economía social’. A formación, impartida por Marca Franca, celebrarase o vindeiro 27 de setembro de 10:00 a 12:30 horas
Finalidade: O encontro ten como propósito reunir a profesionais e representantes de organizacións da economía social interesados en fomentar a conciencia e as prácticas éticas nas súas entidades, axudándolles a previr riscos. Abordarase a actualización normativa a partir das obrigas da publicación da Lei 2/2023 en referencia ao sistema de comunicación interno de denuncias.
Os obxectivos da sesión poden resumirse en:
- Proporcionar ferramentas e recursos prácticos para a elaboración e seguimento de programas de Compliance penal adaptados á realidade das empresas de economía social.
- Comprender a lexislación sobre responsabilidade penal das persoas xurídicas en España e entender como pode afectar á empresa.
- Entender os documentos e procesos chave dun programa de cumprimento.
- Identificar os principais desafíos e oportunidades na implementación de medidas de Compliance penal en empresas de economía social.
- Facilitar o networking, a colaboración e as sinerxías empresariais, propiciando interaccións, conexións e posibles alianzas estratéxicas entre as persoas asistentes con intereses afíns.
Participantes
A xornada está dirixida a profesionais e representantes de organizacións de economía social.
Para poder asistir, deben cubrir o seguinte formulario.
A participación no encontro é gratuíta.
Organización
Este evento forma parte do programa de actuación 2024-2025 da Rede Eusumo, unha iniciativa da Secretaría Xeral de Apoio ao Emprego, Traballo Autónomo e Economía Social da Consellería de Promoción de Emprego e Igualdade, financiada polo Ministerio de Traballo e Economía Social.
Para máis información, poden contactar con AEIGA a través do correo electrónico aeigagalicia@aeiga.org com ou nos teléfonos 881 957 452 / 698 120 455.
