A finalidade deste informe é o de comunicar á sociedade e as institucións públicas e privadas o traballo que se realiza dende as Empresas de Inserción que forman parte da Asociación de Empresas de Inserción AEIGA, así como poñer en valor os resultados empresariais e sociais que se obtiveron no ano 2020. O balance social representa unha ferramenta que permite medir e auditar costes e beneficios das empresas.
Esta actividade encádrase no programa de actuación 2021 da Rede Eusumo. A Rede Eusumo é unha rede de colaboración impulsada pola Dirección Xeral de Emprego, Traballo Autónomo e Economía Social da Xunta de Galicia para o fomento do cooperativismo e a economía social que conta co financiamento do Ministerio de Traballo e Economía Social.
