O pasado 28 de agosto de 2025 celebramos unha Asemblea Extraordinaria na que se renovou a nosa Xunta Directiva. Trátase dun equipo comprometido e con experiencia, que asume o reto de seguir construíndo, xunto ás nosas empresas asociadas, unha economía social máis inclusiva, transformadora e sostible.
Temos o pracer de presentar ás persoas que a conforman:
• Presidencia: Miguel Fernández Blanco, representante de Compostela Inserta
• Vicepresidencia: María Luz Jorge Fuente, representante de Servicios Comerciales de Inserción Laboral
• Tesorería: María del Rosario González Costas, representante de Cormo Integral
• Secretaría: Santiago González Avión, representante de Acolle
• Vogalía: María Isabel Fraga Castro, representante de Arroupa Santiago
• Vogalía: Xoán España Vidal, representante de Properdis
Esta nova Xunta Directiva combina unha ampla traxectoria e experiencia no ámbito da inserción sociolaboral e da economía social, achegando unha visión plural e complementaria para afrontar os retos do sector.
Queremos expresar o noso sincero agradecemento á anterior Xunta Directiva pola súa dedicación, compromiso e polos logros acadados, que foron fundamentais para o crecemento e consolidación de AEIGA. Ao mesmo tempo, reafirmamos a nosa plena disposición a seguir colaborando coas entidades e redes das que formamos parte, contribuíndo xuntas ao fortalecemento da economía social e ao impulso das Empresas de Inserción como ferramenta clave para a inclusión sociolaboral en Galicia.
Atentamente,
AEIGA – Asociación de Empresas de Inserción de Galicia