ECONOMÍA SOCIAL MEETING

AEIGA organiza unha sesión de intercooperación dentro do Programa ‘ECONOMÍA SOCIAL MEETING’, para as diversas organizacións que compoñen o sector da economía social en Galicia o próximo 10 de xuño de 2019; realizada de maneira colaborativa coas entidades do Foro pola Economía Social Galega (Cegasal, Aeiga, Agaca, Aesgal e EspazoCoop), co obxectivo de crear un espazo de encontro, coñecemento e colaboración.

 Economía Social Meeting trata de facilitar a xeración de oportunidades de negocio e proxectos en común. Creando contextos para ofertar e demandar, xerando interaccións entre todas as organizacións participantes. No encontro previsto, trataranse contidos específicos da Lei de contratos do Sector Público que entrou en vigor en marzo do 2018 e de pór de relieve as oportunidades da Lei de Contratos do Sector Público para as entidades da economía social.

LUNS 10 DE XUÑO DE 11 A 13 HS

Na Sede da Fundación ERGUETE INTEGRACION . Av de Emilio Martínez Garrido 21

Esta xornada enmárcase na programación da Rede Eusumo. A Rede Eusumo é unha Rede de colaboración impulsada pola Secretaría Xeral de Emprego – Xunta de Galicia, para o fomento e consolidación do cooperativismo e a economía social que conta co financiamento do Ministerio de Traballo, Migracións e Seguridade Social

O EMPRENDEMENTO E AS EMPRESAS DE INSERCION LABORAL

Próximamente dará comenzo o curso O EMPRENDEMENTO E AS EMPRESAS DE INSERCIÓN LABORAL. Formación impartida por AEIGA dentro do marco das accións subvencionadas pola REDE EUSUMO*. Levarase a cabo no edificio CERSIA (Alcalde Raimundo López Pol s/n – SAN LÁZARO- SANTIAGO DE COMPOSTELA) do 20 ao 24 de MAIO de 2019 en horario de 9.00 a 14:00 hs.

APUNTAROS A PARTICIPAR !!!

  Esta actividade enmárcase na Programación da Rede Eusumo. A REDE EUSUMO é unha rede de colaboración impulsada pola Secretaría Xeral de Emprego da Xunta de Galicia para o fomento do cooperativismo e a economía social que conta co financiamento do Ministerio de Traballo, Migracións e Seguridade Social

CATA DE IDEAS EMPRESARIAIS – FACULTADE DE CIENCIAS ECONÓMICAS E EMPRESARIAIS

A través do Proxecto Laces AEIGA foi invitada á xornada de presentación do mércores 3 de abril de 2019 da “Cata de Ideas Empresariais no sector da economía social” na Facultade de Ciencias Económicas e Empresariais da USC. Unha exposición formada por 22 paneis e 5 pantallas táctiles para recoller o labor de 20 empresas de diferentes tipoloxías empresariais representantes da economía social de Galicia e do Norte de Portugal.  Cormo Integral EIL foi a empresa elexida para representar ás Empresas de Inserción Laboral de Galicia como exemplo de empresas de boas prácticas de economía social.

http://negocio.laceseconomiasocial.com/gl/nova/20-casos-de-boas-pr%C3%A1cticas-na-econom%C3%ADa-social-as%C3%AD-son-empresas-e-entidades-da-cata-de-ideas?fbclid=IwAR3kKkqegDNZY6RdG6KSMxWddIyUWtUXpTI2ZSjjDOBXIRSp8YRaxgSxtNk

AEIGA PRESENTE NO XANTAR, SALÓN INTERNACIONAL DE TURISMO DE OURENSE

Dende o mércores 6 ata o domingo 10 de febreiro AEIGA estivo presente na 20ª edición de XANTAR, SALÓN INTERNACIONAL DE TURISMO DE OURENSE, dando difusión á figura e a labor social desenvolvida polas EIL galegas e acompañando e colaborando directamente coa Empresa de Inserción Laboral santiaguesa CONSERVAS ANACO.

A través desta participación seguimos representando, xunto con outras empresas, á economía social galega representada no stand ECONOMÍA SOCIAL DE GALICIA.

FELICES FESTAS !!!

Dende a Asociación de Empresas de Inserción de Galicia os desexamos Bo Nadal e Feliz Aninovo 2019

 

 Expositor ‘Economía Social de Galicia’ en Culturgal 2018

Culturgal 2018 acolle, un ano máis, empresas cooperativas e de economía social do ámbito cultural na súa 11 edición.

Será no Expositor común posto a disposición pola Rede Eusumo, os días 30 de novembro1 e 2 de decembro no Pazo da Cultura de Pontevedra.

Para facilitar a presenza da economía social neste evento, a Secretaría Xeral de Emprego, a través da Subdirección de Economía Social, pon a disposición un stand conxunto, por elo, nesta Feira das Industrias Culturais teredes ocasión de coñecer o traballo e os proxectos que realizan as cooperativas e  outras entidades de economía social, como as Empresas de Inserción e as Sociedades laborais.

Podes consultar as empresas e organizacións que conforman o stand neste DOSSIER Economía Social – Culturgal 2018. O espazo expositivo conta ademais cunha Programación propia, fai clic: aquí. Tódolos días da Feira realízase algunha actividade para promocionar as empresas do Expositor, así, o venres 30 ás 11 h. preséntase a Sectorial de Cultura da Unión de Cooperativas EspazoCoop; e tamén haberá sinatura de discos; obradoiros (Des-botar; Romaniqueando; Coloreando as mulleres bravas da nosa historia); ou presentación de festivais (Elas son artistas), entre outras actividades.

Será unha boa oportunidade para coñecer empresas de economía social que fan proxectos no ámbito cultural.

Culturgal este ano celebra a súa 11ª edición promocionando a cultura galega. Web: Culturgal 

IV XORNADA DE EMPREGO – RIBADUMIA – 23 DE NOVEMBRO 2018


Aeiga participará o  próximo venres día 23 de novembro, en horario de 10 a 14 horas no concello de Ribadumia na IV Xornada de Emprego.  Terá lugar no Anfiteatro do Auditorio Municipal de Ribadumia. Unhas xornadas que tratan de achegar tanto as ofertas de emprego ós veciños e veciñas do municipio e da contorna, como formación e pautas para mellorar a busca de emprego e que os resultados sexan óptimos. Deste xeito o programa previsto da comezo coa presentación do servizo de Orientación Laboral do Concello de Ribadumia, así como da oferta formativa deste e das axudas municipais dispoñibles para emprendedores/as.  A continuación será a presentación das empresas de traballo temporal, Synergie O Grove e Eurofirms Vilagarcía, as cales estarán realizando entrevistas persoais durante toda a xornada. A continuación AEIGA (Asoc. De empresas de insercción laboral de Galicia) explicará o seu papel na inclusión laboral de persoas en risco de exclusión social. A media mañá terá lugar a mesa redonda sobre emprego e discapacidade, dando resposta a cuestións como ¿ é recomendable comentar nunha entrevista de traballo que teño unha discapacidade recoñecida?. Para isto estarán con nos COGAMI, FAXPG ou inserta empleo. Por suposto as TIC, dada a súa relevancia na sociedade 4.0, terán o seu momento durante o cal se fará énfase no teléfono móbil como ferramenta de procura de emprego. Baixo o título da ponencia “APPúntaste a traballar??!!!” será José Antonio Piñeiro Sineiro, membro de AFIPRODEL Galicia o encargado de tratar o área TIC no emprego e reflexionar sobre os principais erros a evitar nunha entrevista de traballo. E para pechar unha xornada con eminente carácter práctico que mellor que unha ponencia que nos axude a movilizar os recursos persoais cos que conta cada unha das persoas que participan desta xornada para esa procura de emprego ou para deixar voar o seu espíritu emprendedor.

Novo Espazo de AEIGA na Cidade da Cultura, CEM. Santiago de Compostela

Desde hoxe temos novo espazo de difusión e traballo no Centro de Emprendemento de Galicia na Cidade da Cultura, Santiago de Compostela.

NOVA LEI DE CONTRATOS DO SECTOR PUBLICO

AEIGA levará a cabo a formación “O EMPRENDEMENTO E AS EMPRESAS DE INSERCIÓN LABORAL” do 04 ao 11 de xuño de 2018 no CENTRO SOCIOCULTURAL O ENSANCHE (Rúa Frei Rosendo Salvado 14/16, Santiago de Compostela),  dentro da Programación da Rede Eusumo.

* A Rede Eusumo é : unha rede de colaboración impulsada pola Secretaría Xeral de Emprego da Xunta de Galicia para o fomento e consolidación do cooperativismo e a economía social que conta co financiamento do Ministerio de Emprego e Seguridade Social.