O vindeiro 12 de marzo, de 10 a 14hs no Edificio CINC da Ciudade da Cultura; a Asociación Empresarial Galega de Centros Especiais de Emprego (Cegasal) e a Asociación de Empresas de Inserción de Galicia (Aeiga) organizan a xornada ‘Compra pública responsable nas administracións locais’, un encontro dirixido a responsables municipais, profesionais do sector público e entidades de economía social interesadas en promover unha contratación pública con impacto social e ambiental.
OBXECTIVOS:
- Dotar ao persoal de contratación municipais ou persoal técnico dos coñecementos necesarios para levar a cabo procesos de contratación eficientes e éticos, considerando tanto os criterios de responsabilidade social como medioambiental.
- Fomentar e visibilizar os sectores específicos da Economía Social no marco da contratación responsable e reservada de entidades locais.
- Analizar o escenario normativo actual e o grado de cumprimento.
- Ofrecer ao persoal técnico das entidades locais (concellos) implicados na contratación pública as directrices e normativas relacionadas coa contratación pública responsable para familiarizarse cos criterios de sustentabilidade e responsabilidade social que poden aplicarse na contratación.
A participación é gratuíta e require inscrición previa. As persoas interesadas poden reservar a súa praza cubrindo o formulario dispoñible na seguinte ligazón.
Esta actividade forma parte do programa de actuación 2024-2025 da Rede Eusumo.
