A idea de negocio
A idea e bases das empresas de inserción laboral é funcionar como tránsito ao emprego ordinario das persoas en risco de exclusión, pero ante todo, son empresas, e dedícanse a levar a cabo actividades económicas relacionadas coa produción de bens e servizos, competindo no mercado.
É por iso que é esencial ter coñecemento sobre unha idea de negocio:
Viabilidade (técnica e económica)
Adaptada á cualificación y características das persoas traballadoras en inserción
Explotar os nichos de mercado
Concepto específico
Non deberiamos enfocarnos en actividades laborais con baixa cualificación ou traballos moi repetitivos. O obxectivo é que as persoas contratadas en risco de exclusión accedan posteriormente ao mercado laboral ordinario e é por iso que se deben ter en conta as ofertas laborais do mercado, servizos emerxentes e capacidades de cada un, conseguindo sacar o seu maior potencial.
Canvas para as empresas de inserción
O Canvas é unha ferramenta simple e sinxela que axuda á visualización de maneira sinxela sobre a idea de negocio, facilitando tamén a toma de decisións sobre a mesma. Aquí deixámosvos unha guía explicativa sobre o seu uso e un modelo.